Guerra, War, война, Krieg, Guerre, Cogadh, الحرب, Rhyfel, Bap... en calquera lingua que se diga, sempre se está a falar dunha traxedia. Nas guerras, os seres humanos inocentes, bos e honrados perden sempre; só gañan os malvados, os asasinos, os que carecen de escrúpulos.

A guerra acompaña á Humanidade dende o principio da súa existencia e hoxe segue causando miles de vítimas en moitos lugares do mundo.

A Gran Guerra (1914-1918) foi a primeira que causou a destrución a grande escala e mostrou a capacidade do ser humano de  ser cruel até límities inimaxinables deica ese momento.

Novelas, poemas, películas, pinturas, esculturas... obras de arte que describen os traumas causados polas guerras, e así a beleza ocupa o lugar da miseria, a morte, a fame, a desolación e a soedade.