A dignificación da frase pondaliana de "bos e xenerosos" nunca foi máis acertada que para cualificar os dons cívicos e patrióticos dunha persoa de actitudes virtuosas como foi Xosé Agrelo Hermo. Deixounos todo un legado de dignidade exemplar en moi variadas materias.
(...) Dicía outro noiés de rango e batuta, Antón Avilés de Taramancos: ¨Non son un home: son un pobo / e ninguén me pode domear!¨. Agrelo Hermo foi ese home de transcendencias que pensou máis no colectivo da nosa Nación que nas cousas individuais dun domesticado. (Xosé Lois García, novembro 2006)
Gallaecia Libros quere lembrar a Xosé Agrelo Hermo no décimo aniversario do seu pasamento.
Neste trinque expoñemos unha pequena mostra do seu quefacer como autor e director teatral, narrador, editor e animador cultural. Ofrecemos aos nosos lectores esta sentida homenaxe ao noso irmán, amigo, mestre e guía.